श्री भराडीदेवी अंगणेवाडी , मालवण
कोकणातील 'प्रतिपंढरपूर' म्हणजे अंगणेवाडीची श्री भराडी देवीची जत्रा होय .लाखो लोक या जत्रेला आवर्जुन येतातच .हिची जत्रा साधारणपणे माघ महिन्यात असते .शेतातील कामे झाल्यानंतर सर्व गावकरी एकत्र जमतात व देवीच्या नैवेद्यासाठी पारधीचा म्हणजेच शिकारीचा दिवस ठरवतात .शिकार झाल्याशिवाय हे लोक परत येत नाहीत.शिकार झालेल्याचे मांस शिजवून गावकरी आस्वाद घेतात मग जत्रेचा दिवस ठरविला जातो.गावकरी लोकाच्या निर्णयाला 'डालप 'असे म्हणतात
जत्रेच्या दिवशी देवीच्या स्वयंभू पाषाणावर मुखवटा घालून साज शृंगार केला जातो या दिवशी गाव न्हावी सूर्योदयाला आरसा घेवून सूर्याची परावर्तीत किरणे देवीवर टाकतो व जत्रेला आरंभ होतो पहाटे चार ते दहा वाजे पर्यंत पूजेचे आयोजन केले जाते गावातील प्रत्यक गृहिणी सामुदायिक स्वयंपाकासाठी सहभागी होते .हेच अन्न प्रसाद म्हणून देतात यालाच मालवणी मध्य 'ताटे लावणे 'असे म्हणतात दुसर्या दिवशी पहाटे चार वाजल्या पासून पूजेला सुरुवात होते ती दुपार पर्यंत चालते या दिवसाला 'मोडे जत्रा 'असे म्हणतात हि जत्रा दीड दिवसाची असली तरी अनेक करमणुकीचे कार्येक्रम आयोजित केले जातात तरीपण हि जत्रा चार पाच दिवस चालते कर्नाटकहून लोक जत्रेला येतात ह्या जत्रेची परंपरा चारशे वर्षा पासून सुरु आहे पूर्वीच्या काळी गावातील एक गाय एका विविक्षित ठिकाणी दुधाची धार सोडत असे मालकाने ते पाहिले त्याला त्या दिवशी स्वप्न दृष्टांत झाला ज्या ठिकाणी गाय दुधाची धार सोडत असे त्या पाषाणा लाच देविस्वरूप मानले जाऊ लागले व ती लोकांच्या नवसाला पाऊ लागली या ओबढधोबढ पाषाण म्हणजेच भराडी देवी होय हिची कीर्ती दिवसे न दिवस वाढत आहे
No comments:
Post a Comment